veron0904的PIXNET部落格

哈～　琴日終於開始我同Gela 久違了既「太陽計劃」，擱置左兩年既「太陽計劃」又來了，無錯，正如Gela 講：「同陽光玩遊戲係免費既」，好，我地就往南灣出發啦!

我地先係SOHO到食個Taco　brunch 然後我買埋是日出版既Harry Potter 完結篇就去Exchange Square　坐巴士去淺水灣，再轉的士去南灣啦! 一直都覺得南灣人比較少，沙比較靚，當然亦聽講某d人都比較多。哈!

一去到沙灘，我地就見到鯊魚旗。原來之前係附近既赤柱發現左一條死左既幼鯊(我果時唔係香港所以唔知嘛!)，不過就算唔係咁，掛呢張旗都岩架啦! 哈哈哈~

因為我地自己帶左條鯊魚(?)去，哈哈，睇下我地吹得幾辛苦，有人仲因為無禁實個製而晒左一段氣添呀～　哈哈哈～

我地訓左一陣，跟住就走左去飲野，我果杯係Tropical Smoothies，都只不過係$35都唔算貴。下次會試下果杯Sex On the South Bay Beach!

之後我地就不顧一切咁跳落水，同我地條鯊魚肉博啦! D 水唔凍，好正，其實個天氣好好，有太陽但又唔太晒，又有海風，好舒服。

玩到差不多，我就同亞鯊鯊(呢個名幾好聽窩~)上岸先，亞Gela就繼續做佢水中既魚啦~

其實，香港都可以好靚。

我真係鍾意同陽光玩遊戲!我要再去再去!