veron0904的PIXNET部落格

一個星期後，我同Gela 既「太陽計劃2007」又舉辦啦～　今次仲誠邀左一d親朋戚友來參加。

7月29日約好左Gela 同Iris係淺水灣等，然後就一齊打的去南灣。出發前係屋企見到我細佬係到執野，問佢去邊，佢話佢同個friend 去淺水灣晒太陽窩，又會咁翹既，咁我就話佢知我去南灣，睇下佢黎唔黎先！

終於，好白痴既我，誤信我弟同大頭講，973好耐先有一班車，居然我早到左成差不多半個鐘。而好醒既我，竟然帶左相機，但係無插番張SD Card，醒呀～～～　唯有用我個好唔靚既電話影下淺水灣先!

星期日真係好多人去沙灘，係巴士站等到1點半，我同亞Gela就來餓死，正打算叫果個遲到唔止佢self claim既10分鐘既大頭，點知佢又到左啦～　我地一去到南灣就走左去食我地個lunch，我同Gela就叫左我地好想試既Sex on South Bay 同Beach South Bay Sun Drowner 來飲。

今次我地早過上次去，所以就霸個前面d既位。嘩，呢個禮拜真係比上個禮拜多好多人，感覺少左d 著白色幼邊三角泳褲倒三角身型既「壯男」，多左一家大細，放暑假既一班靚仔靚妹同埋熱愛夏日既外籍人士。

唔理咁多，我一去到就晒我既太陽，點知亞大頭又嫌太晒要去租把遮，但係人地又唔幫我地插窩，我攬住把太陽傘整好耐都係要亞waiter哥哥落來幫手整。但係，終於把遮既function 一d 都無用於我身上；而且我地個位仲突然間多左兩個講國語既朋友一齊晒太陽添~ CLSA 你地真係有d ........!!

係我已經轉左身晒緊背既時候，忽然一股殺氣整醒左我；一抬頭，就見到我Ani (亞哥)；死佬又昆我話佢唔來點知自己又來左。佢仲話佢條泳褲係來到先買，我同Gela都覺得好好笑，洗唔洗要「憂」到咁高先?　當然我亞哥一見到我一定唔會放過奚落我，所以我都決意要係呢度公開佢既裸（泳）照比大家睇!!

所以話呢，得罪女人係無好結果，尤其是得罪我！哈哈哈~

無幾耐，我弟弟都到埋，嘩，今次真係成家人係南灣團聚啦～後來我地又要費盡九牛二虎之力去吹我地d玩具，竟然呢兩個男人一d手都唔幫，我亞Ani仲走鬼左去～真係呀～

我地今次有好多玩具玩，後來仲游埋去浮薹玩跳水，我細佬話佢唔識跳，淨係識得向後跳，點知，佢係一個back flip ，Oh my god，睇到我地三個呀～

所以，我同我細佬就真係一d 都唔似。都唔知亞媽係咪生漏左個膽比我，到細佬出世時就比晒佢，我亞弟弟由細到大都係唔識死架～　超大膽，同佢家姐一人一個極端！

好啦～　希望下個禮拜會有「太陽計劃2007」之三啦～　你地邊個想來但又無來過既，歡迎你地參加呀～　哈哈哈～