上個禮拜五，我同亞Gela 一齊去尖沙咀香港藝術館睇呢個「國之重寶」《清明上河圖卷》既展覽。好好既係d飛係我一早係公司book 唔洗錢。而且我地去果個session仲係exclusive for 我地公司添！
而呢一個展覽既賣點係回歸十周年，香港破天荒首次展出從晉、唐、宋至元朝共32件的古代書畫精品，其中包括舉世知名的經典名蹟，好似有宋代張擇端《清明上河圖卷》等。我地要多謝中央政府肯儸d寶物落黎比我地睇喇!
我同Gela前幾年都有去過睇好似呢ｄ既展覽，不過上一次好似係外國既展品，而今次係我地既國寶。老實說，我地既國寶仲留番係國境內真係唔多，你試下去英國既大英博物館，哈，我包保你睇完會好似我當年咁，一出黎就大叫，「賊呀！」，果陣我幾想係個門口到吐口水呀！Anyway，講番呢個展覽，果晚我地由搭天星小輪由中環去尖嘴時甘岩有煙花睇，於是我地兩個就係新起好果條天橋到好似遊客甘，係到依嘩鬼叫，真係有ｄ白癡!
其實，香港既夜景真係好得架!
不過，係等船時，又發現到一個好大既「國之重寶」wall promotion ，於是我幫亞Gela影左呢幅相啦!
去到藝術館睇既時候，由於人多既關係，我地先去左另外一面睇其他展品。公司好好呀，羅個Audio 聽係免費架! 幾正呀！老實說，小妹既中史，會考係岩岩合格；而Art 我會考仲無讀添! 哈~ 不過，我又好鐘意睇呢ｄ野；唔知點解，我一路睇一路覺得好感動。點解以前ｄ人甘叻呢？好多野都無，就係一支毛筆，點解可以畫得甘靚？依家我地有多佢地咁多野，但係文化水平好似仲比以前低。
我特別鐘意呢幾幅：
1. 南宋 揚無咎 - 四梅圖卷
呢幅畫，係揚無咎65歲時畫既，畫梅花4種不同時期，包括:「未開」、「欲開」、「盛放」同「摧殘」。就只不過係一株梅花，點解點解佢可以畫得甘好，好到，好似影左相咁?
2. 宋 佚名 - 百花圖卷
無錯，又係花，今次係春夏秋但就無左個冬。好可惜，因為時間既問題，作者已經無從稽考，有d可惜呀! 但係我睇完之後，真係覺得古代既人，真係比較懂得去欣賞環境，每一朵花都栩栩如生，講真，你叫我羅支鉛筆我都唔得啦，佢地又無得改番，所以每一筆每一筆都真係小心翼翼架!
戲肉，當然係排長龍既清明上河圖啦，今次展出既係北宋張擇端既version，下一次果幅要比呢一次長一倍仲有顏色架! My god，我地去聞呢幅畫時，得5分鐘咋，都唔知睇得d密? Gela 同我立即羅左我地收好既蘋果日報既報導出來，睇下有無找到佢介紹果d野!
814人、29艘船、20輛車、8頂轎、約180棵樹
無數商舖 ...... 想點先? 係咪一世人就畫呢一幅畫先? 我一睇，My God，d古代人真係著到好似電視劇d人咁架、虹橋個樣，好似我係上海/杭州/蘇州時見到果d咁呀! 不過成個睇畫既過程就d有辛苦囉! 基本上，係係到「聞畫」! 5 分鐘仲好快過添，死啦，我有好多地方都無睇清楚架!
成幅畫都好靚，好似你個人去左呢個鎮咁，好多人好多事好多野睇，好熱鬧呀! 我一睇到d船畫到咁仔細，尤其是畫有一隻起緊既船，唔知點解d眼淚就湧出來啦!我覺得好感動呀，佢地就算有間尺都要好勁先可以畫到咁直啦，而且，船上面既每一物(其實係每一個部分)都好細微，一條繩一支竹，好似時光倒流甘，我覺得我好似番左去古代呀!
真係好似蘋果個細路話:「好似發左場夢」，我諗，我係Veron in the Wonderland!
西方人既畫，同我地中國人好唔一樣，中國人用毛筆寫字畫畫，每一筆每一下都係要好細心，呢個好著重內心既鍛鍊。試問一個心煩意躁既人點可以畫好一幅畫，而呢d留低落黎既畫，就算經過1000年既歲月洗禮，比一個已經同佢生活方式好唔一樣既人睇到，係咪都可以一樣咁觸動心靈? 其實，藝術真係一種人類溝通既工具黎架!
係我地成日要超英趕美，睇低我地既祖國既同時，我地其實真係要好好咁去欣賞我地古人既才華。我地中國人起步早，但係因為一d既因素，我地暫時比西方國家爬頭；但係，我一直相信，只要有實力，一定會有出頭天既機會。嘩，仲乜我突然咁感觸，成個愛國青年咁?
所以，香港人呀，要好好珍惜呢一次「國之重寶」既機會；或者你去完都會好似我咁，會突然學懂感謝古人所留下既回憶。
Gela ，我地要去睇埋第二批呀! 好興奮呀! 今次換你幫我影番相啦!
參考資料:
留言列表
偶像娛樂 (3)
