我的頸鍊－veron0904的PIXNET部落格

頸鍊，對於好多人來講係一個可有可無既裝飾物。因為以前我地都只係會戴一粒鑽石／珠鏈嘴，無密必要日日換新款。所以，我以前都好少會買頸鍊，因為我寧願買耳環呀，手鏈呀甚至乎介子。但係，上年突然興起長頸鍊襯衫，一向我都認為自己都跟得上潮流，所以大勢所趨，我就開始買d長頸鍊襯衫啦！

終於今日執呀執，先發現自己都有幾多頸鍊窩！有ｄ係人地送，有ｄ係買左但係戴到未戴過，有ｄ就係買衫時連埋既.....

我個人就最鍾意第一行第二個，條帶係通窿布帶，而且白色好好襯衫。左上角第一條綠色毛毛係我以前個Staff 亞Amanda 上年送我既聖誕禮物；竟然同我自己買果條右上角有異曲同工之妙，果然係好了解我呀!

係呢度，都見到好多條好有其記念價值既鍊。右上角第一條，係我為我個best friend - Giana 做伴娘時特登買既，就真係戴完果次我都無再羅果出黎。係今次咁搵番ｄ鍊時卒之又搵番出黎；第二行左邊起第一個，係兩條唔同長度既珍珠鏈，係我之前個department 有個manager 出差去Manila時幫我地買架，佢話果個養珠場係供應比Mikimoto 既，但係果度直接買就平好多。我記得兩條都只不過係港幣$500零蚊，都幾平，不過我就無戴過～而最左下角第一條，係亞妹Christina 上年聖誕交換禮物時比我，話係黃晶窩～　唉，我試過一次去打牌時帶啦，都無料到既！佢旁邊果條係我亞媽買比我架，我就好鍾意呢ｄ吊吊fing 既野，所以我有一堆呢ｄ咁既手鏈（下次等我執好再share)!