veron0904的PIXNET部落格

點可以唔紀錄呢一次咁難忘既事呢？

今日去擺花街既Pizza Express 食team lunch，一早約好，因為次次都係佢地比錢，終於我要比錢架啦!

食完飯由擺花街行番公司，途經名聞中外既翠華茶餐廳時，第一眼我就睇到一個好似瑪莎既人，頭髮好亂下；再望過去，有一個男人著住件衛衣，將頂衫帽戴上個頭，望緊入去翠華。唔係呀，咁似亞信既? 望清楚d，嘩! 係真架，係真架! 雖然我當時係同緊我老闆講野，但係我又要一邊望住佢地，一邊又要睇路，我已經無法子再理會我老闆。到我經過再望，我見到瑪沙係到食緊煙。天呀，點解，點解會係度見到佢地先？

我跟住就同我老闆講，我見到我叫你幫我係台灣買果本書既作家呀! 係五月天呀~~~ 原來我老闆同我同事都知邊個係五月天，佢地仲問我洗唔洗羅簽名同影相。我話唔洗啦，中環黎架，我好斯文架(哈哈哈哈)。當然我立即打比A先生，好可惜無人聽。

番到公司立即就send email 比D朋友，結果收到既reply都係寫"OMG", "WTF".....

心情到此刻依然興奮............. XD