veron0904的PIXNET部落格

去左感受呢個藝術展，無錯，呢個藝術展係唔可以單單用睇去形容。

首先，佢係坐落於天星碼頭個停車場頂，感覺好似一個UFO咁。睇ｄ報導，話係由一個年輕有名既設計師Zaha Hadid設計既。Sorry，小妹孤陋寡聞，唔識佢係邊位。

其實我都係大概睇過報紙講入面有ｄ咩，自己去時其實都唔係好知有咩特別既展品。不過，我都知係入到去要戴起個mp3由佢去帶領成個展覽。朋友早說了聽中文版會好似聽緊鬼古咁，所以我二話不說就揀左英文。唔知睇邊到講，個英文VO都係一個名人，可惜我又係唔識既。

入到去，佢地好體貼咁幫我戴好個mp3，佢地話因為呢個係一個好特別同個人既體驗，所以我同我ｄ朋友們唔會一齊出發。咁樣我地就可以好好咁一個人去體會呢一個旅程。第一個展品，我覺得還可以，唔太特別；反而我好留心個mp3講咩。好老實說，我覺得呢一次既感受好大係一個absolute 既 obedience，因為個VO叫你行去第二度你先可以去行。

我個人比較喜歡一個水既倒影reflect一個好細既city。你真係可以睇到係d building 到ｄ人郁來郁去，開燈閂燈，好似一個生活既倒影。

而最令Chanel 迷瘋狂莫過於呢個特大Chanel 袋，入面呢個粉盒其實係一個monitor 不斷播緊一段片，係一堆女人係到羅槍射d Chanel 手袋，好諷刺。而我果一刻，好現實，頂，你不如送一個比我好過你咁晒野呀?!!!! 哈哈哈哈!!!

其實入面仲有好幾多既藝術品，但係好多，我都唔識同唔知點去欣賞。耳邊個VO，不斷好似係到迷魂你咁，我出番去覺得成程好似同緊Voldemort 一齊行左半個鐘咁，英文version 都一樣恐怖。

去到最後，我地可以係一張紙到寫低一個願望。但係，同成個展覽有密關係呢? 我唔明，但係我都寫左一個綁左係個樹到。我好記得個VO 話I will always be with you！愈來愈得人驚。

一個好神奇既旅程，一個同我平常去博物館好不一樣既展覽，我唔慣無得開口同人研究展品，我唔慣不斷唔知下一秒要做咩，幾時該行，該行左定右，要睇幾耐。但係，我覺得唔慣唔明唔知有咩得著，呢一次經驗都可算係一個有趣既體驗。

小小紀念品，postcard 3張，有趣的是Empty Your Bag, Bare Your Soul，究竟，我地應唔應該去追求名牌手袋呢? 最得意係，由Chanel 黎問你窩！你會點答呢?