veron0904的PIXNET部落格

女人，有個好處，開心買野，唔開心買野，悶買野，幾個女仔買野，同男朋友買野，同亞媽買野，失戀買野，無啦啦又買野......

買野，可以無原因，無計劃，唔需要天時地利人和去配合。

我，係一個購物狂就大家都知。我好經常會買野，衫褲鞋手袋飾物化妝品，一大堆，仲有玩具，Hello Kitty，Re-ment，以家仲玩埋Blythe，買到一屋都係，唔知擺邊好。但係，我係唔會理，尤其係以家自己賺錢比自己洗，可以阻撓我既人就更少。

其實，我最最最衰既係，當我有壓力，或者當我會驚，或者當我唔開心既時候；我就一定要買野去發洩。好變態，通常呢d時候就係我最衝動同最鬆懈既時候；即係，我會唔太理會價錢就會買野，係呢個時候，通常就係果d有牌子既野，而我張卡會出現一個大銀碼既時候。

今晚，我經過銅鑼灣既Sogo，第一日開始半年一度既感謝週，係地鐵站時個出口已經全部都係人，迫到上去，簡直係無空氣咁。我都抱住唔買都睇下既心態上左地面果層名店加化妝品，天呀，我根本睇唔到d貨，我淨係見到一大班人(99%係女人)逼晒係counter同埋收銀機前，痴線，唔洗錢咁！

我再上去玩具部睇我最愛既玩具有無減價，每一層都係人都係人，好似發左癲咁，d人係咁拿住份宣傳單張通場飛，個個收銀既面都係黑既。最後，我都只係買左三個玩具，閒得果十幾蚊。

不過，我琴日就係lunch 時，入去一間shop行左5分鐘，就買左兩樣野。唔好問我為咩買，已經唔重要，但係佢地真係有血有汗有淚架：

兩件野買左幾多錢唔好問喇，最重要係，我感覺好番好多；真係，真係好好好多。

應該好快我會fully recover，因為，我已經決心花一舊錢去買一個大Blythe，而且我覺得我仲會買多幾個細既添！

要洗幾多?　我諗同個mui mui 銀包差不多。

折墮係好折墮，但係無法，今次要填補既，真係唔細。