veron0904的PIXNET部落格

終於，終於，我第一隻的大B女(Blythe)到了。

一直我都渴望擁有一隻大B女，上年生日收到兩個男人送比我既兩隻細B女(Petite Blythe)，(仲好記得果兩條無聊友甚不滿對方竟然又係買B女比我) 已經愛到不行，之後碌碌續續都有其他小妹妹入荷(Dollcena)。不過，要一個大B女既心願始終無減滅過。

登登登戥，小妹的第一隻大B女出場啦：(注：係第一隻，意指：將會碌續有來，我深信)

佢個型號係Enchanted Pedal，應該係2007年11月出既，佢塊面係白D果種。你知嗎，我已經幫佢改左個名，佢叫Creamy!! 因為我係要紀念我細過最鐘意既電視卡通片　－　《我係小忌廉》！

去買既時候，C小姐話：「你第一隻大B就買綠色頭髮，其實都幾激窩！」哈哈哈，其實我就係鐘意佢係綠色頭髮，鬼叫我係一個熱愛綠色既人咩！

拆開佢之後，天呀，我覺得我真係無揀錯（果時我係三揀一，另兩隻其一係Can Can Cat, 另一為Pink Dainty Biscuit)C小姐一睇都話，「你揀親都係D激既colour窩!」哈哈哈，無錯我個人係exotic d既！

你睇佢D衫幾鬼靚，不過唯一係，我覺得佢另外兩對向前望既眼就麻麻囉，尤其是對orange眼仔；但係另外果兩堆side眼仔就好得喇！

仲有，其實我買佢既時候淨係知道佢係長頭髮既（遲D我會擁有一隻短髮既大B女），後來發現佢髮尾係微鬈既，正到爆，就好似我之前個頭咁！我最唔like就係負離子頭，好彩佢唔係喳。

另外，我仲有多一隻Petite Blythe架，不過未影相，下次再show 比大家睇。