veron0904的PIXNET部落格

今日因為要去George 既Body Jam我就好難得咁去左旺角既Cali，講真我真係好少會過海去做占，除非係周末同埋個堂我真係好想上啦!!! 可惜George話佢以家得一堂Jam，仲要下個禮拜佢放假無埋Jam，要等下下個禮拜，而我下下個禮拜又唔係香港，即係無得上！

上完堂我就順便行下旺角，因為我想買過部相機，反正佢一條街好多shop咁我就走去問！好奇怪，唔知係咪因為旺角既原故，d sales 都串d！我去左百ｘ匯，中ｘ同豐ｘ，個個都好串下！我想要一部機有wide angle、防手震、Face detection，最好影室內都唔會太差！咁我去問d sales，一個二個幾串，『呢d function好多機都有喎！』（我夠知啦，咁邊部你覺得好d？）『如果要呢個function就要呢部xxx(model number)，但呢部就會貴d囉，係咁架啦！』（你唔係覺得我比起唔錢呀？差幾多遮？一千幾百咋？）（咩叫係咁？好多時都係有呢樣無果樣啦！）『Leaflet？無架喎，以家我地野全部online架！』（真係放晒上網咩？你地無放價錢架喎！）睇到我火都來，就算我真係要買，我都唔會幫襯你地旺角d sales買呀，點解覺得我一定要知邊款係幾時出邊款有咩邊款無咩？我識咁多，我就做你地啦！傻傻地！

不過我睇完大概就知道一係我用番Canon（雖然我覺得佢室內d相唔係好好，但我舊時d電應該可以用得番做spare），一係買Ricoh（有一部半自動我可以試下學影，舖定我第時買單鏡反光條路，不過個機就有d樣衰），我要再上網望下邊部好呀，你地有無意見？

覺得自己d 占衫好似好少，就走去運動街到睇衫啦！因為自己都係果d買野好快，一睇中，個size又fit自己價錢又ok，我就會立即買果d人，所以我一睇中個款就會問人有無我個size然後要件新既！去到其中一間，我就羅起一件問呢件有無咩size，條友就同我講：『呢件係s size！』我真係無氣，旺角d人咁奇既？你唔係覺得我唔識睇英文字呀？定係你覺我我可以著個細碼呀？我就同佢講，我知呀，但係我想睇個咩size呀！唔係要你地check d 野都唔肯呀？香港經濟真係咁好呀？

終於我狂風掃落葉，好快咁就買左3件：

呢幾件都係減緊價，每件都係百零蚊，好抵！中間果件可以著去d 跳舞堂，其他兩件就好百搭！聽日就著件新野去combat啦！